සර්ප විෂට ලබාදෙන ඒ වී එස් එන්නත ප්රමිතිෙයන් තොරදැයි සැකයක්
සෞඛ්‍ය අමාත්‍යාංශයෙන් පරීක්ෂණයක්
සර්ප දෂ්ට කිරීම්වලට ලක්වන රෝගීන්ට ලබාදෙන ඇන්ටිවෙනම් සීරම් ඒ.වී.එස්. නමැති ප්‍රතිවිෂ එන්නත සම්බන්ධයෙන් මහියංගණ රෝහලේ වෛද්‍ය අධිකාරීවරයා විසින් සෞඛ්‍ය අමාත්‍යාංශය දැනුවත් කර තිබෙන ගැටලුව ලංකාවේ වෙනත් රෝහල් තුළත් පවතිනවාද යන්න සොයාබලන බව රජයේ වෛද්‍ය නිලධාරීන්ගේ සංගමය සඳහන් කරයි.
සර්ප විෂට ලබාදෙන එන්නත ලබාදුන්නත් රෝගීන් මිය ගොස් තිබෙන බවට මහියංගණ රෝහලේ වෛද්‍ය අධිකාරීවරයා සෞඛ්‍ය අමාත්‍යාංශය දැනුවත් කර තිබෙන බවත්, මේ අනුව රෝගීන් හතරදෙනෙකු මියගොස් තිබෙන බවට වාර්තා වන බවත් එම සංගමයේ සහකාර ලේකම් වෛද්‍ය නලින්ද හේරත් මහතා %අද^ කළ විමසීමේදී සඳහන් කළේය.
එහෙත් මෙම පුද්ගලයන් හතරදෙනා මිය ගියේ ප්‍රතිවිෂ එන්නත ප්රමිතිෙයන් තොරවීම නිසාදැයි නිශ්චිතව සොයාගෙන නොමැති නමුත්, අනෙකුත් රෝහල් තුළත් මෙවැනි තත්ත්වයක් ඇතිවී තිබේදැයි සොයාබලන බවද ඔහු පවසා සිටියේය.
ඉන් පසුව ඒ පිළිබඳව සෞඛ්‍ය සේවා අධ්‍යක්ෂ ජනරාල්වරයා සමග සාකච්ඡා කිරීමට කටයුතු කරන බවද සහකාර ලේකම්වරයා සඳහන් කළේය. මහියංගණ මූලික රෝහලේ වෛද්‍ය අධිකාරීවරයා විසින් සිදුකළ පැමිණිල්ලට අනුව ඊයේ (11දා) රාත්‍රි‘යේම සෞඛ්‍ය අමාත්‍යාංශය මේ පිළිබඳව පරීක්ෂණයක් ආරම්භ කර තිබෙන බවද වාර්තා වේ.
සර්ප විෂට ලබාදෙන ප්‍රතිවිෂ ඖෂධවලින් විශාල ප්‍රමාණයක් ගෙන්වන්නේ ඉන්දියාවෙනි.
popular news
ඔබේ අදහස් එවන්න.
ඔබේ අදහස් සිංහලෙන්, ඉංග්රීසියෙන් හෝ සිංහල ශබ්ද ඉංග්රීසි අකුරෙන් ලියා එවන්න.
