සරසවියට සිසුන් 100000 ක් ගන්න වැඩපිළිවෙළක් නෑ

මෙවර අයවැය තුළින් විශ්වවිද්‍යාලවලට බඳවා ගන්නා ශිෂ්‍ය ප්‍රමාණය ලක්ෂය දක්වා වැඩිකරන බව ප්‍රකාශ කර තිබුණද ඒ සඳහා නිසි වැඩපිළිවෙළක් නැතැයි අන්තර් විශ්වවිද්‍යාල ශිෂ්‍ය බලමණ්ඩලයේ කැඳවුම්කරු නජිත් ඉන්දික පැවසීය.

විශ්වවිද්‍යාලවලට අවශ්‍ය පහසුකම් ලබා නොදී ශිෂ්‍ය සංඛ්‍යාව වැඩිකිරීමෙන් ඔවුන්ව බලධාරීන්ගේ නිවෙස්වල තබාගෙන උගැන්වීමට සූදානම් වන්නේදැයි ඔහු වැඩිදුරටත් රජයෙන් ප්‍රශ්න කර සිටියේය.

කෙසේ වෙතත් විශ්වවිද්‍යාල ශිෂ්‍ය බලමණ්ඩලය වසර නවයක් පුරාවට සිදුකළ අරගල හේතුවෙන් මෙවර මහපොළ ශිෂ්‍යත්වය වැඩිකර ඇති බවද හෙතෙම පැවසුවේ අද (27 දා)  පැවැති මාධ්‍ය හමුවකදීය.