සංවිධාන තුනකට හෙට කොළඹ උද්ඝෝෂන තහනම්

- 12 08 2014 - 23:22 - {{hitsCtrl.values.hits}} views - අම්ත් මධුරංග

බොදුබල සේනා, සිංහල රාවය සහ තව්හිද් ජමාද් යන සංවිධාන විසින් හෙට (13 දා) කොළඹදී පැවැත්වීමට සූදානම් කර තිබූ විරෝධතා ව්‍යාපාර සහ පෙළපාළි තහනම් කිරීමට අධිකරණය නියෝග කර තිබේ.

මෙම සංවිධාන අද දින විරෝධතා ව්‍යාපාර හා පෙළපාළි පවත්වන බවට ලද තොරතුරකට අනුව පිටකොටුව පොලීසිය විසින් කොළඹ මහේස්ත්‍රාත් අධිකරණය වෙත දැනුම් දීමෙන් අනතුරුව මෙසේ අතුරු තහනම් නියෝගයක් නිකුත් කර තිබේ.

එම නියෝගය අදාළ සංවිධාන වෙත ලබාදීමට නියමිත බව පොලිස් මූලස්ථානය සඳහන් කළේය.