සංඝ සම්මේලනය සෞදි තානාපති කාර්යාලයට යයි

සෞදි අරාබියේදී අමානුෂික ලෙස කාන්තාවන් වදහිංසාවන්ට ලක්වීම සහ ඝාතනය වීම පිළිබඳ ලිපියක් ජාතික සංඝ සම්මේලනය විසින් ශ්‍රී ලංකාවේ සෞදි අරාබි තානාපති කාර්යාලය වෙත අද (02දා) උදෑසන බාර දෙන ලදී.

සෞදි අරාබියේදී ඝාතනයට ලක්වන ගෘහ සේවිකාවන් සහ නුදුරු දිනයේදී සෞදි අරාබියේදී ගල් ගසා මරා දැමීමට නියමිත ශ්‍රී ලංකා ගෘහ සේවිකාව පිළිබඳ ශ්‍රී ලංකා රජය හා සෞදි රජය අවදි කිරීම මෙහි ප්‍රධාන අරමුණ බව ජාතික සංඝ සම්මේලනයේ ලේකම් පූජ්‍ය පාහියංගල ආනන්ද සාගර හිමියෝ පැවසූහ.

ඒ අනුව මේ පිළිබඳව අග්‍රාමාත්‍යවරයා සමග සාකච්ඡා කිරීම සඳහා ඉදිරියේදී දිනයක් හා වේලාවක් වෙන්කර ගැනීමට අපේක්ෂා කරන බවද උන්වහන්සේ අවධාරණය කළහ.

ඡායාරූප - ඒශාන් ප්‍රනාන්දු