ශ්‍රේෂ්ඨාධිකරණ විනිසුරුවරුන් වැඩි කිරීමට තීරණයක්
ශ්‍රේෂ්ඨාධිකරණයට ඔරොත්තු නොදෙන ප්‍රමාණයේ නඩු සංඛ්‍යාවක් ගොඩගැසී ඇති බැවින් ඒ සඳහා විසඳුමක් ලෙස ශ්‍රේෂ්ඨාධිකරණ විනිසුරුවරුන් ප්‍රමාණය 15 දක්වා වැඩි කිරීමට කටයුතු කරන බව අධිකරණ හා බුද්ධශාසන අමාත්‍ය විජයදාස රාජපක්ෂ මහතා පැවසීය.එමෙන්ම මහාධිකරණ විනිසුරුවරුන් 85 දක්වා ඉහළ දැමීමටත්, අධිකරණ 30 ක් අලුතින් ආරම්භ කිරීමටත් කටයුතු කරන බව අමාත්‍යවරයා පැවසුවේ රුවන්වැල්ල නව අධිකරණ සංකීර්ණය සඳහා මුල්ගල් තැබීමේ උත්සවයට එක්වෙමිනි.
මෙම සියලු කටයුතු නව ව්‍යවස්ථාව මගින් සිදුකිරීමට සැලසුම්කර තිබුණද, ව්‍යවස්ථාව තවදුරටත් ප්‍රමාද වන බැවින් ව්‍යවස්ථා සංශෝධනයක් මගින් එය සිදු කිරීමට කටයුතු කරන බවද අමාත්‍යවරයා ප්‍රකාශ කළේය.
"ශ්‍රේෂ්ඨාධිකරණය තුළත් එයට ඔරොත්තු නොදෙන ප්‍රමාණයේ නඩු සංඛ්‍යාවක් ගොඩගැසී තිබෙනවා. මූලික අයිතිවාසිකම් පිළිබඳ ජනතා අවබෝධය වැඩි වී තිබෙනවා. ඒ නිසා ජනතාව මූලික අයිතීන් පිළිබඳ නඩු පැවරීමට වැඩි වශයෙන් යොමු වීමත්, පළාත්බද සිවිල් අභියාචනාධිකරණවලින් ශ්‍රේෂ්ඨාධිකරණයට එන අභියාචනා වැඩිවීමත් මෙම තත්ත්වයට ප්‍රධාන හේතු වී තිබෙන බව කිවයුතුයි.
නව ආණ්ඩුක්‍රම ව්‍යවස්ථාව ගෙන එනවිට අධිකරණ පද්ධතියේත් විශාල වෙනස්කම් කිරීමට අපි අපේක්ෂාවෙන් හිටියා. එහෙත් නව ව්‍යවස්ථාව තවදුරටත් ප්‍රමාද වන නිසා ආණ්ඩු ක්‍රම ව්‍යවස්ථාවට සංශෝධන ගෙනත් ශ්‍රේෂ්ඨාධිකරණ විනිසුරුවරුන්ගේ සංඛ්‍යාව 11 සිට 15 දක්වා වැඩි කරන්න කටයුතු කරනවා."
popular news
ඔබේ අදහස් එවන්න.
ඔබේ අදහස් සිංහලෙන්, ඉංග්රීසියෙන් හෝ සිංහල ශබ්ද ඉංග්රීසි අකුරෙන් ලියා එවන්න.
