ශ්‍රීලනිප ඇමතිවරුන්ගේ ආණ්ඩු භූමිකාව ජනපති දැනුම්දී නෑ

ශ්‍රී ලංකා නිදහස් පක්ෂයේ අමාත්‍යවරුන් ආණ්ඩුව තුළ සිදුකරන භූමිකාව  සම්බන්ධව ජනාධිපති මෛත්‍රීපාල සිරිසේන මහතාගේ ස්ථාවරය මේ දක්වා එම ඇමතිවරුන්ට දැනුම්දී  නැතැයි  ශ්‍රීලනිප උප සභාපති අමාත්‍ය පියසේන ගමගේ මහතා පැවසීය.

ශ්‍රීලනිප ඇමතිවරුන් පෙරේදා (11දා) දහවල්  ජනාධිපතිවරයා මුණගැසුණු පසුව මේ දක්වා හමුවීමක් සිදුනොවුනු බවත්, ඉදිරි  සාකච්ඡාවක් සඳහා මේ දක්වා කැඳවීමක් නොලැබුණු බවද අමාත්‍යවරයා සඳහන් කළේය.

ජනාධිපතිවරයා විසින් නිවැරදි තීරණයක් ගනු ඇති බවත්, ඉන්  ශ්‍රී ලංකා නිදහස් පක්ෂයේ ස්වාධීනත්වයට හානියක් නොවනු ඇතැයිද හෙතෙම පවසා සිටියේය.