වැඩ කරන පැය 8 පැය 6 ක් කරන්න

තාක්ෂණයේ සුවිශාල වෙනස්කම් සිදුවී තිබෙන වර්තමානයේ දිනක වැඩකරන පැය ගණන පැය 08 වෙනුවට පැය 06 දක්වා අඩුකළ යුතු බව පාර්ලිමේන්තු මන්ත්‍රී බිමල් රත්නායක මහතා පාර්ලිමේන්තුවේදී ප්‍රකාශ කළේය.

වැඩකරන පැය ගණන අඩුකිරීමට ලෝකයේම විශාල ප්‍රවණතාවක් තිබියදී ලංකාවේ වැඩකරන පැය ගණන වැඩිකිරීමට යෝජනාකර තිබීම අනුමත කළ නොහැකි බවද මන්ත්‍රීවරයා පැවසුවේ අද (28දා) පාර්ලිමේන්තුවේදී පැවැති අයවැය කාරකසභා විවාදයට එක්වෙමිනි.

“මේ වනවිට ලෝකයේ කම්කරු ඵලදායකත්වය අට ගුණයකින් වැඩිවෙලා. ලංකාවෙත් එම ඵලදායිතාව අඩුම තරමේ හය ගුණයකින් හෝ වැඩිවෙලා ඇති. නමුත්සේවකයාට එම වාසිය වැටුපෙන් හෝ කාලයෙන් ලබාදීලා නැහැ.

අදවනවිට පෞද්ගලික අංශයේ වැඩකිරීමේ කාලය පැය අටක් වුණත් ඔවුන් පැය 09 ක් වැඩ කරනවා.රාජ්‍ය අංශයේ නම් එය ටිකක් අඩුයි. නමුත් මේ හැමෝටම ගමනාගමනයට කාලයක් එක් වෙනවා." යැයි කීවේය.