වාහන මිල ආයෙත් වැඩිවෙයි

ආනනයන කරන වාහන සඳහා ඒකක බද්දක් අයකිරීමට රජය තීරණය කිරීමත් සමග වාහන මිල නැවතවරක් ඉහළ යන බව වාහන ආනයන ආනයන කරුවන්ගේ සංගමයේ සභාපති ඉන්දික සම්පත් මහතා පවසයි.

ඊයේ මධ්‍යම රාත්‍රියේ සිට මෙම බද්ද හඳුන්වා දීමත් සමග ටොයොටා ප්‍රියුස් රථයක බදු ප්‍රමාණය මිලියන 3.3 සිට මිලියන 7.2ක් දක්වා ඉහළ යන බවද ඔහු අද පැවැති මාධ්‍ය හමුවකදී පැවැසිය.

ත්‍රීවීල් රථයකට මේ වන විට රුපියල් ලක්ෂ 4ක පමණ බද්දක් අයකරන බවත් නිසාන් x-trail රථයක බද්ද රුපියල් ලක්ෂ 40 සිට රුපියල් ලක්ෂ 80 දක්වා ඉහළ යනු ඇති බවත් පැවැසීය.

මේ හේතුවෙන් වාහන වෙළඳපොළ උඩියටිකුරු වෙනු ඇති බවත් මින් ඉදිරියට ආනයනය කරන්නේ අශ්වබල ධාරිතාව 1000ට අඩු වාහන පමණක් බවත් සභාපතිවරා පෙන්වා දුන්නේ.

සී.සී. ධාරිතාව 1500ක් වන මෝටර් රථයකට මේ වන විට රුපියල් ලක්ෂ 30ක පමණ බද්දක් අයකරන බව පෙන්වා දෙන සභාපතිවරයා ඒකක බද්ද අනුව  සීසී ධාරිතාව 1500-1600 වාහනක් සඳහා ඒකක බද්ද රුපියල් 3500ක් වෙන බවත් ඉන් ඉහළ වාහන සඳහා ඒකක බද්ද රුපියල් 4000ක් වෙන බවත පැවැසීය.