වසරකට නිවාස ලක්ෂ 4ක් ඉදිවෙනවා

මේ වනවිට ශ්‍රී ලංකාවේ වසරකට නිවාස ලක්ෂ 04 ක් ඉදිවන බව ඉදිකිරීම්, ඉංජිනේරැ සේවා, නිවාස හා පොදු පහසුකම් අමාත්‍ය විමල් වීරවංශ මහතා පැවැසීය.

2011 වසරේ සිට එම තත්ත්වය දැකිය හැකි බව ඇමතිවරයා සඳහන් කළේය.

"ජන හා සංඛ්‍යාලේඛන දෙපාර්තමේන්තුවේ 2012 ජන සංගණන වාර්තාවේ පහැදිලිව කියනවා 2011 දක්වාවූ සෑම වසරකම සාමාන්‍යෙයන්වර්ෂයකට ලක්ෂයක් නිවාස උපරිම වශයෙන් ඉදිවී තිබෙන බව. රජයේ හෝ පෞද්ගලික දේපළ සංවර්ධන ආයතන, රාජ්‍ය නොවන සංවිධාන ආදී සෑම අංශයකින්ම වසරකට ඉදිකර තිබුණේ එම ප්‍රමාණය පමණයි. එම දත්ත අනුව 2011 වසරේදී තීරණාත්මක ප්‍රවණතාවක් ඇතිවෙලා තියෙනවා. එම වසරේ සිට ලක්ෂ 04කට  ආසන්න නිවාස තොගයක්  වසරකට ඉදිවෙනවා. එය ඉබේ සිදුවුණේ නැහැ" යැයි වීරවංශ මහතා පවසා සිටියේය.