වවුනියාව ගුවන් කඳවුරක් ආසන්නයේ ගින්නක්

වවුනියාව මාමඩුව ගුවන්හමුදා කඳවුර ඉදිරිපිට පිහිටි වෙල් යායට ඊයේ (02දා) රාත‍්‍රියේ කිසියම් පිරිසක් විසින් ගිනි තැබීම හේතුවෙන ගුවන් හමුදා කඳවුර ගින්නෙන් බේරා ගැනීමට එහි සෙබලුන්ට ගිනි නිවන රථද ගෙන්වා මහත් පරිශ‍්‍රමයක් දැරීමට සිදුව ඇත.

මේ දිනවල වවුනියාව දිස්ත්‍රික්කයට පවතින අධික පෑවිල්ල හේතුවෙන් මාමඩුව ගුවන් හමුදා කඳවුරේ සෙබලුන් මෙම තත්වයට මුහුණ පෑ අතර ඊයේ රාත‍්‍රියේ කිසියම් පිරිසක් විසින් ගුවන් හමුදා කඳවුර ආසන්නයේ පිහිටි වෙල් යායට ගිනි තබා ඇත. ගින්න වේගයෙන් කඳවුර ආසන්නයට පැමිණීම නිසාවෙන් කඳවුරේ ගුවන් හමුදා සෙබලුන්ට ගින්න නිවා දැමීමට නොහැකි වීමෙන් මෙම නොසන්සුන් තත්වය ඇති විය.