වරායේ සියලු සේවකයින්ට විශේෂ අවුරුදු දීමනාවක්

  ශ්‍රී ලංකා වරාය අධිකාරියේ සියලු සේවකයින්ට විශේෂ අවුරුදු දීමනාවක් ලබා දීමට අග්‍රාමාත්‍ය රනිල් වික්‍රමසිංහ මහතා එකඟවී තිබේ . ශ්‍රී ලංකා වෘත්තීය සමිති නියෝජිතයින් සමඟ අද(11) පෙරවරුවේ අරලියගහ මන්දිරයේදී පැවැත්විණු සාකච්ඡාවේදී මෙම එකඟතාවයට පැමිණ තිබේ.  එමෙන්ම ඵලදායිතාව අනුව දෙසැම්බර් මාසයේදීද විශේෂ දීමනාවක් ලබා දීමටත් , ශ්‍රී ලංකා වරාය අධිකාරියේ ජයබහළු පර්යන්තයේ දිරි දීමනාව සම්බන්ධයෙන් ඉදිරිපත්ව ඇති යෝජනා සාකච්ඡා කර වාර්තාවක් ඉදිරිපත් කිරීම සඳහා කමිටුවක් පත් කිරීමත් මෙහිදී සිදුවිය.

වෘත්තීය සමිති නියෝජිතයන් සමඟ පැවැති මෙම සාකච්ඡාවට වරාය සහ නාවික අමාත්‍ය අර්ජුන රණතුංග, අමාත්‍ය මලික් සමරවික්‍රම, අමාත්‍ය නිමල් සිරිපාල ද සිල්වා යන අමාත්‍යවරුන් මෙන්ම ජාතික සේවක සංගමයේ උපසභාපති මාධ්‍ය ලේකම් සුනිල් සිල්වා මහතාද සහභාගි වූහ.