වරාය සේවක වැටුප රු. 10000කින් ඉහළට

(VIDEO) පසුගිය වසරේදී වරාය අධිකාරිය ලබාගත් ලාභය පදනම් කරගෙන සෑම සේවකයෙකුගේම මූලික වැටුප රුපියල් 5000කින් ඉහළ දැමීමට කටයුතු කරන බව වරාය හා නාවික කටයුතු අමාත්‍ය මහින්ද සමරසිංහ මහතා සඳහන් කළේය.

මීට අමතරව මාසිකව තවත් රුපියල් 5000ක් හිමි බවත් මේ අනුව රුපියල් දස දහසේ වැටුප් වැඩිවීම පිළිබඳව අද (26දා) නිවේදනය කරන බවත් අද (26දා) පැවැති මාධ්‍ය සාකච්ඡාවකදී හෙතෙම සඳහන් කළේය.

මෙම වැටුප් වැඩිවීම නිසා වසරකට වරාය අධිකාරියට රුපියල් මිලියන 2300 අමතර වියදමක් දැරීමට සිදුව තිබේ.

2017 වසරේ වරාය අධිකාරියේ සමස්ත ආදායම රුපියල් මිලියන 45608ක් වන අතර, සමස්ත වියදම රුපියල් මිලියන 30180ක් බවද වරාය අධිකාරිය සඳහන් කරයි.

ඡායාරූප - ක්‍රිෂාන් රණසිංහ