රන් සොරකම් කළ කාන්තාවගේ තොරතුරු පොලීසිය සොයයි

රන් ආභරණ වෙළෙඳසැලකින් රු. 96,000ක් වටිනා රන් ආභරණ සොරකම් කිරීමේ සිදුවීමක් සම්බන්ධයෙන් ඊයේ (04දා)කාන්තාවක අත්තනගල්ල ප්‍රදේශයේදී අත්අඩංගුවට ගත් බව කින්නියා පොලීසිය සඳහන් කරයි.

මෙම සැකකාරිය තවත් මෙවැනි අපරාධයන්ට සම්බන්ධ දැයි අනාවරණය කර ගැනීම සඳහා පොලීසිය මහජන සහාය පතයි.

ඒ අනුව මෙම සැකකාරිය පිළිබඳ සී.සී.ටී.වී දර්ශන පහතින් නිකුත් කර ඇති අතර, සැකකාරිය පිළිබඳ යම් අපරාධයකට සම්බන්ධ තොරතුරු වෙතොත් පහත දුරකථන අංකයට ලබා දෙන මෙන් පොලීසිය මහජනතාවගෙන් ඉල්ලා සිටී.

කින්නියා පොලිස් ස්ථානය - 026 2 236 222