මියගිය තරුණයෙකුගේ සිරුරක් ඇළකින් හමුවේ

ඇලක බෝක්කුවක සිර වී තිබූ තරුණයෙකුගේ මළ සිරුරක් අද ( 20දා) හමුවූ බව පුලස්ති පුර පොලිසිය සඳහන් කරයි.

මෙසේ මිය ගොස් ඇත්තේ පොලොන්නරුව පුලස්තිපුර තලපත්ආරුව ප්‍රදේශයේ පදිංචි 27 හැවිරිදි එස්.වී තිලින දමිත් චන්ද්‍රපාල නමැති තරුණයෙකුගේ බව පොලීසිය පවසයි.

ඊයේ (19දා) පැවති මංගල සාදයකට සහභාගි වීමෙන් අනතුරුව ඊයේ රාත්‍රී 12.45ත් 1.00 ත් අතර කාලය තුල පැමිණ මෙම ඇලේ දිය නෑමේදී මෙම අනතුර සිදු වන්නට ඇති බවත් මිය ගිය තරුණයා බීමතින් සිට ඇතැයි සැක කරන බව  පරීක්ෂණ සිදු කරන පුලස්තිපුර පොලිසිය පවසයි.

මේ සිදුවීම සම්බන්ධයෙන් වැඩිදුර පරීක්ෂණ පුලස්තිපුර පොලිසිය සිදු කරනු ලබයි.