මරණ දඬුවම දුන් ඉන්දීය ධීවරයින් ඉන්දියාවට

ජාත්‍යන්තර මත්කුඩු ජාවාරමට සම්බන්ධ වීම හේතුවෙන් ශ්‍රී ලංකාවේදී මරණ දඬුවම නියමවූ ඉන්දීය ධීවරයින් ඉන්දියාවට ලබාදීමට ජනපති මහින්ද රාජපක්ෂ මහතා හා ඉන්දීය අග්‍රාමත්‍ය නරේන්ද්‍ර මෝදි අතර පැවැති දුරකතන සාකච්ඡාවේදී එකඟවූ බව භාරතීය ජනතා පක්ෂයේ ජ්‍යෙෂ්ඨ නායක සුබ්‍රමනියම් ස්වාමි ට්විටර් පණිවුඩයක් මගින් කියයි.

ඒ අනුව ඉන්දීය ජාතිකයින් සිය දඬුවම ඉන්දියාවේදී විදිනු ඇත.

ශ්‍රී ලංකා ජනපති හා ඉන්දිය අග්‍රාමාත්‍ය අතර මෙම දුරකතන සාකච්ඡාව ඊයේ (09දා) සිදුව ඇත.

මත්කුඩු ජාවාරමට සම්බන්ධ ඉන්දීය ජාතිකයන් පස්දෙනෙකුට හා ශ්‍රී ලංකා ජාතිකයන් තිදෙනෙකුට කොළඹ මහාධිකරණය විසින් මරණ දඬුවම නියම කළේය.