මන්නාරමෙනුත් යුද උපකරණ හමුවෙයි

මන්නාරම ඉලුප්පකඩවායි ගොවිජන කේන්ද්‍රය පිටුපස පිහිටි පැරණි වැසිකිළි වලක තිබූ කොටි යුද උපකරණ රැසක් ඊයේ (30දා) ගුවන් හමුදාව හා පොලීසිය විසින් සොයාගෙන ඇත.

මන්නාරම තිරුකේදීස්වරන් ගුවන් හමුදා කඳවුරට ලැබුණු බුද්ධි තොරතුරකට අනුව මන්නාරම් පොලීසියේද සහය ඇතිව යුද උපකරණ තිබූ ස්ථානය හැරීම සිදු කර තිබේ.

ක්ලේමෝ බොම්බ 6 ක්, පුද්ගල නාශක බිම්බෝම්බ 16 ක්, බිම්බෝම්බ පුපුරවා හැරීමට යොදාගන්නා ෆියුස් 16 ක්, පුද්ගල නාශක අත්බෝම්බ 14 ක්,  මිලිමීටර් 60 වර්ගයේ මොටාර් බෝම්බයක්,  ආර්.පී.ජී. ගිනි අවියක් හමු වී ඇත.