මන්ත්‍රීවරුන්ට ආචාර ධර්ම පද්ධතියක් ඉක්මණින්ම

විනය ගරුක ආදර්ශමත් පාර්ලිමේන්තුවක් බිහි කිරීම සඳහා මන්ත්‍රීවරුන් වෙනුවෙන් නව ආචාර ධර්ම පද්ධතියක් යෝජනා කළ බවත් ලොව අනෙකුත් රටවල උපදෙස් ලබා ගනිමින් සහ දැනට පවතින ආචාර ධර්ම පද්ධති සැළකිල්ලට ගනිමින් එය සකස් කළ බවත් කථානායක කරූ ජයසූරිය මහතා පවසා තිබේ.

විදෙස් මාධ්‍ය සමඟ සම්මුඛ සාකච්ඡාවකට එක්වෙමින් කථානායක කරූ ජයසුරිය මහතා මේ බව පවසා තිබේ.
යෝජිත ආචාර ධර්ම පද්ධතිය උල්ලංඝණය කිරීම සම්බන්ධයෙන් ඕනෑම පුරවැසියෙකුට පැමිණිලි ඉදිරිපත් කිරීමට අයිතිය පවතින බව කථානායකවරයා සඳහන් කළේය.