බෞද්ධ මහා සම්මේලනයේ නාම යොජනා බාර ගැනීමත් උණුසුම් වෙයි

සමස්ත ලංකා බෞද්ධ මහා සම්මේලනයේ නිලධාරී මණ්ඩලය පත්කර ගැනීම සඳහා  අද (04දා) පැවැති නාමයෝජනා භාර ගැනීමේ අවස්ථාව නොසන්සුන්කාරි විය.

කොළඹ 07, බෞද්ධාලෝක මාවතේ පිහිටි  සමස්ත ලංකා බෞද්ධ මහා සම්මේලන ශ්‍රවණාගාරයේ නාමයෝජනා භාර ගැනීමේ අවස්ථාවට කණ්ඩායම් කිහිපයක් සහභාගි වූ අතර, හිටපු සභාපතිවරයෙකු වන ජගත් සුමතිපාල මහතාට විරුද්ධව නාමයෝජනා භාරදුන් පාර්ශ්ව  විරෝධය පළ කරමින් මෙහිදී අදහස් පළ කළහ.

වසර 17ක පවුල් පාලනයෙන් බෞද්ධ මහා සම්මේලනය ගලවා ගතයුතු බව පවසමින් බෞද්ධ මහා සම්මේලනයට පිටත මාර්ගයේ  උද්ඝෝෂණයක්ද පැවැත්විණි.

මේ පිළිබඳව ජගත් සුමතිපාල මහතා සදහන් කළේ ජනවාරි 06 වැනිදා පැවැත්වෙන නිලවරණයෙදී  සාමාජිකයන්ගේ වැඩි ඡන්දයෙන් තමන්ට නැවතත් සභාපති ධුරයට පත්වීමට පහසුවෙන් හැකියාව තිබෙන බවයි.

ඡායාරූප ඉසුරු පෙරේරා