බිග්මැච් රථ පෙළපාළිය අතරතුර යතුරුපැදියකට ගිනි

ගාල්ල රිච්මන්ඩ් - මහින්ද මහා ක්‍රිකට් තරගයට සමගාමීව මහින්ද විද්‍යාලයේ සිසුන් පිරිසක් අද (16 දා) පස්වරුවේ නගරය පුරා රථ පෙළපාළියක්  යමින් සිටියදී එහි ගමන් කළ යතුරුපැදියක් ගිනිගෙන විනාශ වූ බව ගාල්ල පොලීසිය සඳහන් කරයි.

මේ අනුවඅදාළ යතුරුපැදිය ගාල්ල දිස්ත්‍රික් ලේකම් කාර්යාලය ඉදිරිපිටදී මහාමාර්ගයේ මැද පෙරළී සම්පූර්ණයෙන්ම ගිනිගෙන විනාශ වූ අතර, මේ හේතුවෙන් නගරය අවට විශාල රථවාහන තදබදයක් ඇතිවූ බවද පොලීසිය සඳහන් කරයි.

ගින්න මේ වනවිට සම්පූර්ණයෙන් පාලනය කර ඇති බවත්, සිදුවීමෙන් යතුරුපැදියේ ගමන්ගත් දෙදෙනාට හානියක් සිදු නොවූ බවත් පොලීසිය වැඩිදුරටත් සඳහන් කරයි.

හිනිදුම රවින්ද්‍ර ශ්‍රීලාල්