බදු වැඩි නිසා දේශීය ආදායම් පනතට MR විරුද්ධයි

එළඹෙන සිකුරාදා පාර්ලිමේන්තුවේදී විවාදයට ගැනීමට නියමිත නව දේශීය ආදායම් පනතට විරෝධය දක්වන බව හිටපු ජනාධිපති මහින්ද රාජපක්ෂ මහතා පවසයි. සේවක අර්ථසාධක අරමුදල හරහා කරන ආයෝජන මත අයකෙරෙන බද්ද 10% සිට 14%දක්වා වැඩි කිරීම, ආගමික ස්ථාන සඳහා පැවැති බදු මුක්තිය ඉවත් කිරීම, රැකගත යුතු ඇතැම් කර්මාන්ත සඳහා ලබා දී තිබූ බදු සහන ඉවත් කිරීම, මිලියන තුනකට වැඩි ආදායම් ලබන වෘත්තිකයන්ට 24% ක බද්දක් පැනවීම, බදු ආදායම් 10% ක බද්දකට යටත් කිරීම ආදී කරුණු ඇති බවද හිටපු ජනපතිවරයා නිවේදනයක් නිකුත් කරමින් පවසයි.