බංග්ලාදේශය ශ්‍රී ලංකාවට සහල් අපනයනය කරයි

බංග්ලාදේශය ශ්‍රී ලංකාවට සහල් මෙට්‍රික් ටොන් 50000 ක් අපනයනය කිරීමට සූදානමින් පසුවන බව බංග්ලාදේශයේ ආහාර අමාත්‍ය මොහොමඩ් කාර්මුල් ඉස්ලාම් උපුටා දක්වමින් රොයිටර්ස් පුවත් සේවය අද (27දා) වාර්තා කළේය.

බංග්ලාදේශ රජය විසින් ශ්‍රී ලංකා රජයට මෙවැනි ආකාරයට සහල් අපනයනයක් සිදුකරන්නේ ප්‍රථම වතාවට බවද රොයිටර්ස් පුවත් සේවය කියයි.

 සහල් මෙට්‍රික් ටොන් එකක් සඳහා සියලුම වියදම් ඇතුළත් අගය ඩොලර් 450 කි. (රුපියල් 59,400) මෙවැනි ආකාරයට සහල් තොග  ප්‍රමාණයක් ශ්‍රී ලංකාවට අපනයනය කිරීම බංග්ලාදේශයට බලපෑමක් නොවන බවත්, ඔවුන් සතුව ඇති තරම් සහල් තොග පවතින බවත් බංග්ලාදේශ ආහාර අමාත්‍යාංශයේ ප්‍රකාශකයෙක් රොයිටර්ස් පුවත් සේවයට පවසා තිබේ.