පොලීසියට මීරියබැද්ද ගැන කියන්න බෑ- ආපදා ඇමති

ආපදාවක් සිදුවූ අවස්ථාවකදී නිල සංඛ්‍යා ලේඛන ඉදිරිපත් කිරීමේ බලධාරී ආයතනය වන්නේ ආපදා කළමනාකරණ මධ්‍යස්ථානය බව ආපදා කළමනාකරණ අමාත්‍ය මහින්ද අමරවීර මහතා පැවසීය.

නමුත් මීරියබැද්ද ප්‍රදේශයේ නායයෑමට අදාළව පොලිස් දෙපාර්තමේන්තුවද විටින්විට සංඛ්‍යා ලේඛන ඉදිරිපත් කිරීම ගැටලු සහගත බව ඇමතිවරයා සඳහන් කළේය.

අද පෙරවරුවේ ශ්‍රී ලංකා නිදහස් පක්ෂ මූලස්ථානයේ පැවති ප්‍රවෘත්ති සාකච්ඡාවකට එක්වෙමින් මහින්ද අමරවීර මහතා වැඩිදුරටත් ප්‍රකාශ කළේ පොලීසිය ඒ ආකාරයට සංඛ්‍යා ලේඛන ඉදිරිපත් කිරීම ගැන ‘හා’ කියන්න හෝ ‘එපා’ කියන්න බැරි බවය. මේ පිළිබඳව ප්‍රශ්නයක් තිබෙන බවද හෙතෙම කියා සිටියේය.