පොලීසියට බෝම්බ ගැසූ සැකකරුට වෙඩි තබයි

පොලිස් නිලධාරීන්ට අත්බෝම්බ ප්‍රහාරයක් එල්ල කිරීමට ගිය සැකකරුවෙකු පොලීසිය තැබූ වෙඩි ප්‍රහාරයකින් තුවාල ලබා රෝහල් ගත කර තිබේ.

අද (15දා) දහවල් මෙම සිදුව තිබේ. මාවනැල්ල, මයුරපාද ජාතික පාසල අසළදී විවිධ අපරාධවලට සම්බන්ධ පුද්ගලයෙකු අත්අඩංගුවට ගැනීමට යාමේදී සැකකරු පොලීසියට අත්බෝම්බ ප්‍රහාරයක් එල්ල කිරීමට උත්සාහ කර ඇතැයි පොලීසිය නිකුත් කළ නිවේදනයක දැක්වෙයි.

කෑගල්ල කොට්ඨාස අපරාධ විමර්ශන අංශයේ නිලධාරීන් කණ්ඩායමක් විසින් මෙම අත්අඩංගුවට ගැනීමට සහභාගී වී තිබේ. තුවාල ලැබූ සැකකරු මාවනැල්ල රෝහලට ඇතුළත් කර ඇති අතර ඔහු පොලිස් ආරක්ෂාව යටතේ  රෝහල් ගතව ප්‍රතිකාර ලබයි.