පොදු අපේක්ෂකයාට වඩා වැදගත් නීතිවිරෝධී ජනපතිවරණයයි

පොදු අපේක්ෂකයෙකු තෝරාගැනීමට හෝ පොදු අපේක්ෂකයෙකුට සහයෝගය දැක්වීමට තම පක්ෂය කටයුතු නොකරන බවත්, තම පක්ෂය සිදුකරමින් තිබෙන්නේ ඉදිරි දිනවලදී ප්‍රකාශයට පත්වීමට නියමිත ජනාධිපතිවරණය නීතිවිරෝධී බවට ජනතාව දැනුම්වත් කිරීම බවත් ජනතා විමුක්ති පෙරමුණ සඳහන් කරයි.
පොදු අපේක්ෂකයෙකු තෝරාගැනීමට අදාළ කාරණාවලට තම පක්ෂයේ සම්බන්ධයක් නොමැති වුවත්, පිවිතුරු හෙටක් සංවිධානයේ රැස්වීමකට සහභාගී වූයේ, විධායක ජනාධිපති ක්‍රමය අහෝසි කර රටට ප්‍රජාතන්ත්‍රවාදය ඇති කරන බවට සඳහන් වූ කාරණය නිසා බවද එම පක්ෂයේ ප්‍රධාන ලේකම් ටිල්වින් සිල්වා මහතා සඳහන් කළේය.
මේ නිසා පොදු අපේක්ෂකයෙකු තෝරාගැනීමට තම පක්ෂයේ කිසිදු සහායක් ලබානොදෙන බවත්, ඉදිරි ජනාධිපතිවරණයේදී සිදුකරන්නේ කුමක්ද? යන්න ජනාධිපතිවරණය ප්‍රකාශයට පත්කළ පසු ප්‍රකාශයට පත්කරන බවත් ඔහු පවසා සිටියේය.