පුවත්පත්වල බුදුරුව පළ නොකරන්නැයි ගසක නැගී විරෝධතාවක

පුවත්පත්වල බුදුරුව පළවීමෙන් බුදුරදුන්ට අපහාසයක් සිදුවන බව පවසමින් ඊට විරෝධය දක්වා මහනුවර වැව රවුමේ ජෝයි බෝට්ටු සේවය අසල අඩි 45 ක් උඩ ගසකට නැග අතුරුගිරිය ප්‍ර‘දේශයේ පුද්ගලයෙකු විරෝධතාවක නිතර වෙයි.

බෙල්ලට ලණුවක්ද දමාගෙන එය අත්තක ගැටගසා සිටි ඔහු, පහළට පනින බවට තර්ජනය කරන බැවින් ගසෙන් බැස්සවීමට පොලීසියට නොහැකි වී තිබේ.

බුදුරුව මුද්‍රණය කළ පුවත්පත්වලින් මස් මාළු වැනිදේ එතීමට ගන්නා බවත්, ඉන් බුදුන්ට අගෞරවයක් වන බවද ඔහු පවසයි.

පුවත්පත්වල බුදුරුව මුද්‍රණය එරෙහිව අත්සන් ලක්ෂයක්  එකතුකොට එම සංදේශය මහානායක හිමිවරුන්ට බාරදුන් බවත්, ඊටද මෙතෙක් නිසි ප්‍රතිචාරයක් ලැබී නොමැති බවද ඔහු පවසයි.