පුනරුත්ථාපනය වූ කොටි සාමාජිකයාට වෙඩි

මන්නාරම, වෙල්ලාන්කුලම්, ගනේෂපුරම් ප‍්‍රදේශයේදී ඊයේ (12දා) රාත්‍රියේ කිසියම් පිරිසක් විසින් එල්ල කරන ලද වෙඩි පහරකින් පුනරුත්ථාපනය වූ එල්.ටී.ටි.ඊ. සාමාජිකයෙකු ජීවිතක්ෂයට පත්ව තිබේ.

ක‍්‍රිෂ්ණසාමි නගුලේස්වරන් නැමැති 40 හැවිරිදි මියගිය පුද්ගලයා එල්.ටී.ටි.ඊ. සංවිධානයේ සිට යුද්ධයෙන් පසු ආරක්‍ෂක අංශ භාරයේ පුනරුත්ථාපනය වී මන්නාරම, වෙල්ලාන්කුලම්, ගනේෂපුරම් ප්‍රදේශයේ පිහිටි නිවසේදී සිය බිරිඳත් සමග නැවත පදිංචියට ගොස් සිටියදී මෙම වෙඩි ප්‍රහාරයට ලක්ව ඇත.

මොහු වෘත්තීය වශයෙන් පෙදරේරුවෙකු වශයෙන් ජීවිකාව රැගෙන ගොස් ඇති අතර, ඊයේ රාත්‍රියේ ඔහු සිය නිවසේ මිදුලෙහි ගඩොල් කපමින් සිටියදී නාඳුනන පිරිසක් වෙඩි තබා පළාගොස් ඇති බව මියගිය පුද්ගලයාගේ බිරිඳ සිද්ධිය සම්බන්ධයෙන් මූලික පරීක්‍ෂණ සිදුකරන ඉලුප්පුකඩවායි පොලීසියට කියා ඇත.