ප්‍රතිඵල නැවත සමීක්ෂණ අයදුම්පත් පෙබ 5 දාට පෙර

නිකුත් කර තිබෙන අධ්‍යයන පොදු සහතික පත්‍ර උසස් පෙළ විභාගයේ ප්‍රතිඵල නැවත සමීක්ෂණය කිරීමට අවශ්‍ය නම් ඊට අදාළ අයදුම්පත් පෙබරවාරි 05 වැනි දිනට පෙර ලැබීමට සලස්වන ලෙස විභාග දෙපාර්තමේන්තුව විභාග අපේක්ෂකයන්ගෙන් ඉල්ලා සිටී.

මීට අමතරව ප්‍රතිඵල සම්බන්ධ යම් විමසීමක් කිරීමට අවශ්‍ය නම් ඒ සඳහා 011 278 4208, 011 278 4537 හෝ 1911 දුරකථන අංකවලින් විමසන ලෙසද විභාග කොමසාරිස් ජනරාල් ඩබ්.එම්.එන්.ජේ. පුෂ්පකුමාර මහතා සඳහන් කළේය.

නැවත සමීක්ෂණ අයදුම්පත් එවීමේදී පාසල් අයදුම්කරුවන් විදුහල්පතිවරයා මාර්ගයෙන්ද, පෞද්ගලික අයදුම්කරුවන්ගේ විභාග දෙපාර්තමේන්තුවට තැපැල් මගින්ද එවිය යුතු බවද ඔහු පවසා සිටියේය.