පස් කන්දක් කඩා වැටීමෙන් ජීවිත දෙකක් අහිමි වෙයි

බලංගොඩ ප්‍රදේශයේ නිවසක අත්තිවාරමක් කපමින් සිටියදී පස් කන්දක් කඩා වැටීමෙන් එම ස්ථානයේ සිටි පුද්ගලයන් දෙදෙනෙකු මිය ගොස් තිබේ.

ඊයේ (31දා) සවස් කාලයේදී බලංගොඩ පොලිස් වසමේ, සමන්පුර, ඕළුගංතොට නිවසක අත්තිවාරම් කැපීමකදී, එසේ පස් කන්ද කඩා වැටී ඇති අතර, වයස අවුරුදු 42ක අනිල් අමරකොන් සහ වයස අවුරුදු 60ක ගුණරත්න යන අය එම පස් කන්දට යට වී ජීවිතක්ෂයට පත්ව ඇති බව බලංගොඩ පොලීසිය පවසයි.

ඔවුන්ගේ මෘත ශරීර බලංගොඩ රෝහල් මෘත ශරීරාගයේ තැන්පත් කර ඇති අතර, පශ්චාත් මරණ පරීක්ෂණය අද (01දා) පැවැත්වීමට නියමිත බවත්, බලංගොඩ පොලීසිය වැඩිදුර විමර්ශන පවත්වාගෙන යනු ලබන බවත් පවසයි.