පන්නල වෙඩි තැබීමට දෙදෙනෙකු අල්ලයි

(UPDATE) 2016-05-30 2.42 PM

පන්නල, වැටකෙයියා බස් නැවතුම් පළේදී වෙඩි තැබීම සම්බන්ධයෙන් සැකකරුවන් දෙදෙනෙකු අත්අඩංගුවට ගත් බව පන්නල පොලීසිය පවසයි.

මෙය පෞද්ගලික ආරවුලක් මත සිදුකළ වෙඩි තැබීමක් බවත්, සැකකරුවන් ලබාදුන් තොරතුරකට අනුව වත්තක සඟවා තිබූ ආයුධ කිහිපයක්ද සොයාගත් බවත් පොලීසිය සඳහන් කරයි.

සැකකරුවන් දෙදෙනා අවු. 23 සහ 26 වයස්වල තරුණයන් බවත්, දංකොටුව පොලිස් වසමට අයත් කළුඅච්චිමුල්ලේ සහ සිංගප්පුලි යන ප්‍රදේශවල පදිංචිකරුවන් බවත් පොලිස් ආරංචි මාර්ග පවසයි.

පන්නල වැටෙකෙයාව බස් නැවතුම් පොළක සිදු වූ වෙඩි තැබීමකින් කාන්වක් හා පිරිමියෙකු ජීවිතක්ෂයට පත්ව ඇත.යතුරු පැදියකින් පැමිණි පිරිසක් විසින් මෙම වෙඩි තැබීම සිදු කර තිබේ. පිරිමි පුද්ගලයාට තැබූ වෙඩි පහර අසළ සිටි කාන්තාවන් දෙදෙනකුටද වැදී අැති අතර එයින් එක් කාන්තාවක් ජීවිතක්ෂයට පත්ව අනෙක් කාන්තාව තුවාල ලබා අැත. අද (29දා)පස්වරු 7.30ට පමණ වෙඩි තැබීම සිදුව අැත.

පන්නල හේමා