නෙළුම් කුලුනේ සෝපාන ටෙන්ඩරය දෝෂ සහිතයි

 විදුලි සංදේශ සම්ප්‍රේෂණ කටයුතුවලට ශ්‍රී ලංකාවේ ඉදිකෙරෙන නෙළුම් කුලුන ව්‍යාපෘතියට සවිකිරීම සඳහා රුපියල් මිලියන 650ක් වටිනා විදුලි සෝපාන සහ විදුලි පියගැටපෙළවල් සැපයුම්කරුවන් තෝරාගැනීමේ දී අනුගමනය කර ඇති ක්‍රියාපටිපාටිය දෝෂ සහිත බව, එම කටයුතු සොයා බැලීමට පත්කළ ත්‍රි පුද්ගල විමර්ශන කමිටුව අනාවරණය කරගෙන තිබේ.

තෝරාගෙන ඇති අධිවේගී විදුලි සෝපාන සහ පියගැටපෙළ වසර පහක් තුළ නඩත්තුව සඳහා සේවා ස්ථාන නොතිබීම, එවැනි සේවා ස්ථාන එකක් හෝ ස්ථාපිත කර නැති අයදුම්කරුවකුට මෙම කොන්ත්‍රාත්තුව ලබා දීමට තෝරාගැනීමේ පරිපාටිය භාරව කටයුතු කරන උපදේශකවරුන් විසින් නිර්දේශ කර තිබේ.

එමෙන්ම මෙවැනි උපකරණ ජපානයේ පමණක් නිෂ්පාදනය කරන බවට අදාළ ටෙන්ඩර්කරු දී ඇති සහතිකය ද ව්‍යාජ බවත්, මෙවැනි උපකරණ චීනය තුළ ප්‍රධාන වශයෙන් ද, චීනයේ හා ජපානයේ ද නිෂ්පාදනය කරන බවට ද කමිටුව අනාවරණය කරගෙන තිබේ.