නුවරඑළිය දිස්ත්රික්කයේ තේ වතු ආශ්රිතව සහ ග්රාමීය ප්රදේශවල නායයෑමේ අවදානමක් තිබෙන ස්ථාන පරීක්ෂා කිරීම සඳහා ජාතික ගොඩනැගිලි පර්යේෂණ ආයතනයේ කණ්ඩායම් හයක් පරීක්ෂණ කටයුතුවල නියැළී සිටින බව නුවරඑළිය දිස්ත්රික් ලේකම් ඩී.පී.ජී. කුමාරසිරි මහතා පැවසීය.
නුවරඑළිය දිස්ත්රික්කය තුළ නායයෑමේ ස්ථාන වශයෙන් දැනට හඳුනාගෙන ඇති කොත්මලේ, රම්බොඩ, වැවන්ටන්, බගවන්තලාව, මස්කෙළිය, හැටන්, නුවරඑළිය, එළමුල්ල, රාගල දියනිල්ල යන ප්රදේශවල පවුල් 564 කට අයත් සාමාජිකයන් 2521 දෙනෙකු අවතැන් කඳවුරු 20 ක තාවකාලිකව නතරකර ඇති බව ආපදා කළමනාකරණ ඒකකය පවසයි.
තේ වතු ආශ්රිතව නායයෑමේ අවදානමක් ඇති ස්ථානවලින් ඉවත් කරන ජනතාව වෙනුවෙන් නව නිවාස ඉදිකිරීම සඳහා වතු පාලන අධිකාරිය මගින් දැනටමත් ඉඩම් ලබාදී ඇති අතර, එම ඉඩම්ද ගොඩනැගිලි පර්යේෂණ ආයතනයේ නිලධාරීන් විසින් පරීක්ෂා කිරීමට නියමිතය.