නිල ඡන්ද දැන්වීම් පත්‍රිකා බෙදීම ජනවාරි 19දා සිට

පළාත් පාලන මැතිවරණයට අදාළ නිල ඡන්ද දැන්වීම් පත්‍රිකා බෙදාහැරීම ජනවාරි 19 වැනිදා සිට සිදු කිරීමට සැලසුම් කර තිබෙන අතර විශේෂ බෙදාදීමේ දිනය ලෙස ජනවාරි 28 වැනිදා නම් කර තිබේ.

නිල ඡන්ද දැන්වීම් පත්‍රිකා තැපෑලට බාරදීම ජනවාරි 18 වැනිදා සිදු කිරීමට මැතිවරණ කොමිෂන් සභාව සැලසුම් කර ඇත.

පෙබරවාරි 03 වැනිදා වනවිට නිල ඡන්ද දැන්වීම් පත්‍රිකා බෙදාහැරීම නවතා දැමීමට සැලසුම් කර තිබෙන අතර, ඒවනවිටත් නිල ඡන්ද දැන්වීම් පත්‍රිකා නොලැබුණු පිරිස්වලට තැපැල් කාර්යාලවලට ගොස් දැන්වීම් පත්‍රිකා ලබාගැනීමට සිදුවන බවද එම කොමිෂන් සභාව සඳහන් කරයි.

තැපැල් කාර්යාලවලින් නිල ඡන්ද දැන්වීම් පත්‍රිකා ලබාගත හැකි වන්නේ ඡන්ද හිමියාට පමණක් බවද මැතිවරණ කොමිෂන් සභාව පෙන්වාදෙයි.