නාය යෑමේ අවධානමක් තිබ්බත් ඉවත් නොවෙයි- හමුදාව කැඳවයි

ඉදල්ගස්හින්න උඩබේරිය කන්ද නාය යෑමෙ අවධානමකට ලක්ව ඇති නමුත් ඒ ආශ්‍රිත පවුල් 45ක් ඉවත් නොවීම හේතුවෙන් ඔවුන්ව ඉවත් කිරීමට දියතලාව යුද හමුදා කඳවුරේ හා පොලීිසියේ සහාය ලබාගෙන ඇත.

එම කන්දේ කොටසක් දැනටමත් නායගොස් ඇති අතර තවත් කොටසක් නාය යෑමට ආසන්නව පැවැතියත් ඒ ආශ්‍රිතව පදිංචි පවුල් 45ක ජනතාවට ඉවත්වීමට උපදෙස් දුන්නත් ඔවුන් එයින් ඉවත්වීම ප්‍රතික්ෂේප කර තිබේ.

පසුව දිස්ත්‍රික් ලේකම්වරයාගේ උපදෙස් මත හල්දුම්මුල්ල ප්‍රාදේශීය ලේකම්වරයාගේ මූලිකත්වයේ දියතලාව යුද හමුදා කඳවුරේ, හල්දුම්මුල්ල පොලීසියේ හා සහන කණ්ඩායම්වල මැදිහත්වීමෙන් ඔවුන්ට කරුණු පැහැදිලි කර දීමෙන් පසුව ප්‍රදේශයෙන් ඉවත්කිරීමට කටයුතු කරමින් සිටියි.