නාමල්ගේ ප්‍රකාශය අසත්‍ය බව මාධ්‍ය ප්‍රකාශක කියයි

ජනාධිපති මෛත්‍රීපාල සිරිසේන මහතා සහභාගි වූ අඟුණුකොළපෑලැස්ස රැස්වීමට පැමිණි ආරක්ෂක නිලධාරියා සතුව වතුර බෝතලයක් තිබුණු බවට නාමල් රාජපක්ෂ මහතා ප්‍රකාශ කරන්නේ අසත්‍යයක් බව පොලිස් මාධ්‍ය ප්‍රකාශක සහකාර පොලිස් අධිකාරී රුවන් ගුණසේකර මහතා පැවසීය.

එම ආරක්ෂක නිලධාරියා සතුව නීත්‍යනුකූල ගිනි අවියට අමතරව තවත් ගිනි අවියක් තිබී ඇති බවත්, මේ වනවිට එය අතුරුදන්ව ඇති බවත් මාධ්‍ය ප්‍රකාශකවරයා සඳහන් කළේය.

ඒ පිළිබඳව සහ මෙම සිද්ධියට සම්බන්ධ අනෙකුත් පුද්ගලයන් සොයා පරීක්ෂණ ආරම්භ කර තිබෙන බවද ඔහු පැවසීය.