ධීවරයින්ගේ නිදහස තමිල්නාඩුවට බෙදා ගන්න බැරිවෙයි

ශ්‍රී ලංකාවේදී මරණීය දණ්ඩනය නියම වූ ඉන්දීය ධීවරයින් නිදහස් කිරීමට ගත් ක්‍රියාමාර්ගයේ දේශපාලන වාසිය හිමිකර ගැනීම සඳහා තමිල්නාඩුව තුළ බෙදීමක් ඇතිව තිබේ.

තමිල්නාඩුවේ බහුතරය හිමි ඒ.අයි.ඒ.ඩී.එම්.කේ. පක්ෂය හා භාරතීය ජනතා පක්ෂය මෙසේ මත ගැටුමකට පත්ව තිබේ.

තමිල්නාඩු මහ ඇමති ඕ. පනීර්සෙල්වම් සඳහන් කරන්නේ ධීවරයින් නිදහස් කරවීමට මූලිකම හේතුව වූයේ පසුගිය වසර කිහිපය තුළ තම පක්ෂය ගත් ක්‍රියාමාර්ග හේතුවෙන් බවයි.

එයට පළිතුරු දෙන භාරතීය ජනතා පක්ෂයේ තමිල්නාඩුවේ සභාපති තමිලිසායි සෞන්දරාරාජන් ධීවරයින් නිදහස් කර ගැනීමට අදාළව අගමැති නරේන්ද්‍ර මෝදිගේ ක්‍රියාකලාපය විස්තර කර තිබේ.