ධීවර බෝට්ටුවලට සුපරීක්ෂණ පද්ධතියක්

ධීවර කර්මාන්තයේ තිරසාර කළමනාකරණය වෙනුවෙන් යාත්‍රා සුපරීක්ෂණ පද්ධතියක් ස්ථාපනය කිරීමට ධීවර හා ජලජ සම්පත් සංවර්ධන අමාත්‍යාංශයේ අවධානය යොමු වී තිබේ.

මෙම පද්ධතිය මගින් ධීවර බෝට්ටු සඳහා සම්ප්‍රේෂණ හා ග්‍රාහක ගුවන් විදුලි යන්ත්‍ර 300 ක් ලබාදෙන අතර, එමගින් චන්ද්‍රිකා මාර්ගයෙන් ධීවර බෝට්ටු පිහිටි ස්ථාන නිරීක්ෂණය කිරීමට හැකියාව ලැබේ. ධීවර සුපරීක්ෂණ මධ්‍යස්ථාන සඳහා උපකරණ සැපයීම අවුරුදු 10 ක කාලසීමාවක් සඳහා මුල් අදියරේදී සිදුකෙරෙයි.

මේ පිළිබඳ ධීවර හා ජලජ සම්පත් සංවර්ධන අමාත්‍ය රාජිත සේනාරත්න මහතා ඉදිරිපත් කරන ලද යෝජනාවකට කැබිනට් අනුමැතිය ලැබී තිබේ.