දකුණු පළාතේ සහ මධ්යම කඳුකර ප්රදේශවල තරමක් තද සුළං (පැ.කි.මී.50-60 පමණ) තවදුරටත් බලාපොරොත්තු වේ.
බස්නාහිර, සබරගමුව, මධ්යම සහ වයඹ පළාත්වලත් යාපනය, මන්නාරම, ගාල්ල සහ මාතර දිස්ත්රික්කවලත් වැසි වාර කිහිපයක් ඇති වන බවත්, දිවයිනේ අනෙකුත් පළාත්වල තැනින් තැන සවස 2.00 න් පමණ පසුව වැසි හෝ ගිගුරුම් සහිත වැසි ඇති වන බවත් කාලගුණ විද්යා දෙපාර්තමේන්තුව පවසයි.
ගිගුරුම් සහිත වැසි ඇති වනවිට එම ප්රදේශවල තාවකාලිකව තද සුළං ඇති විය හැකි අතර, අකුණු මඟින් සිදුවන අනතුරු අවම කරගැනීමට අවශ්ය පියවර ගන්නා ලෙස ජනතාවගෙන් කාරුණිකව ඉල්ලා සිටින බවද එම දෙපාර්තමේන්තුව වැඩිදුරටත් පවසයි.
මීට අමතරව, ඉදිරි පැය 24 සඳහා දිවයින වටා ඇති මුහුදේ කාලගුණ තත්ත්වය සලකා බැලීමේදී, දිවයිනට දකුණු දෙසින් වන මුහුදු ප්රදේශවල තද සුළං (පැ.කි.මී.60-70 පමණ) තවදුරටත් බලාපොරොත්තු වේ.
කොළඹ සිට ගාල්ල හරහා හම්බන්තොට දක්වා සහ කන්කසන්තුරය සිට ත්රිකුණාමලය හරහා මඩකලපුව දක්වා වන මුහුදු ප්රදේශයේ තැනින් තැන වැසි ඇති විය හැකි බවත්, සෙසු මුහුදු ප්රදේශවල ස්ථාන ස්වල්පයක වැසි හෝ ගිගුරුම් සහිත වැසි ඇති වන බවත් දෙපාර්තමේන්තුව පවසයි.
සුළං බස්නාහිර සිට නිරිත දක්වා වන දිශාවලින් හමන අතර සුළගේ වේගය පැ.කි.මී. 30-40 ක් පමණ වේ.
මන්නාරම සිට කොළඹ සහ ගාල්ල හරහා මාතර දක්වා වෙරළට ඔබ්බෙන් වන ගැඹුරු සහ නොගැඹුරු මුහුදු ප්රදේශවල සුළගේ වේගය විටක පැ.කි.මී. 50-60 දක්වා වැඩි වීමට ඉඩ පවතින බැවින් එම මුහුදු ප්රදේශ විටින් විටරළු විය හැකි අතර මාතර සිට හම්බන්තොට හරහා පොතුවිල් දක්වා වෙරළට ඔබ්බෙන් වන ගැඹුරු සහ නොගැඹුරු මුහුදු ප්රදේශවල සුළගේ වේගය විටක පැ.කි.මී. 60-70 දක්වා වැඩිවීමට ඉඩ පවතින බැවින් එම මුහුදු ප්රදේශ විටින් විට ඉතා රළු විය හැකි බවත් කාලගුණ විද්යා දෙපාර්තමේන්තුව වැඩිදුරටත් පවසයි.