දකුණු කොරියාවෙන් බිලියන 9346ක ආයෝජනයක්

ශ්‍රී ලංකාවේ සුහුරු නගරයක් (smart city ) නිර්මාණය කිරීම සඳහා දකුණු කොරියාව විසින් ඩොලර් බිලියන 63.2ක (රුපියල් බිලියන 9346.6) ආයෝජනයක් කිරීමට සූදානම් බව කොරියානු මාධ්‍ය වාර්තා කරයි.

තාක්ෂණ හා විද්‍යා සුහුරු නගරය ඉදිකිරීම සඳහා කොරියාව මෙම ආයෝජනය කිරීමට නියමිත බව කොරියන්හෙරල්ඩ් පුවත් සේවය එරට ඉඩම් අමාත්‍යාංශය උපුටා දක්වමින් වාර්තා කරයි.

මේ සඳහා වන අවබෝධතා ගිවිසුමකට අද (24දා) අත්සන් තබා ඇති බවද එම වෙබ් අඩවිය තොරතුරු වාර්තා කළේය. එරට ඉඩම් අමාත්‍ය කැන්ග් හේ ඉන් මහතා හා බස්නාහිර සංවර්ධන හා මෙගාපොලිස් අමාත්‍ය පාඨලී චම්පික රණවක යන මහත්වරුන් මෙම ගිවිසුමට අත්සන් කර තිබේ.

නවීන තාක්ෂණය අනුව ජල කළමනාකරණය, ප්‍රවාහනය, නිවාස ඉදිකිරීම, වාහන ගාල් කිරීම ඇතුළු විවිධ පහසුකම්වලින් සමන්විතව මෙම නගරය ඉදිකිරීමට දකුණු කොරියාව සූදානමින් සිටියි.