තෙල් සංස්ථාවට රුපියල් කෝටි 26ක පාඩුවක්

බෝයාවල් දෙකට සවිකළ නළ දෙකක් ප්‍රමිතියෙන් තොරවීම නිසා පසුගිය දිනවලදී බොරතෙල් සහ පිරිපහදු කළ ඉන්ධන ගොඩබෑමට නොහැකිවීම මත තෙල් සංස්ථාවට රුපියල් කෝටි 26 ක පාඩුවක් සිදුව තිබෙන බැවින්, එම පාඩුව ජනතාව මත පටවන්නේ නැති බව සඳහන් කරන්නේ කෙසේද යන්න අමාත්‍යවරයා වහාම රටට හෙළි කළයුතු බව ඛනිජ තෙල් ජාතික සේවක සංගමය සඳහන් කරයි.

මැයි මස 27 වැනිදා සිට බොරතෙල් ගොඩබෑමට නොහැකිවීම මත විශාල ප්‍රමාද ගාස්තු මුදලකුත්, අවශ්‍යතාවය සම්පූර්ණයෙන්ම පිරිපහදු ඉන්ධන වලින් සපයා ගැනීමට සිදුවීම මත හා පිරිපහදු ඉන්ධන ගොඩබාන බෝයාව අක්‍රීය වීමත් නිසා රුපියල් කෝටි 26 ක පාඩුවක් සිදුව තිබෙන බව එම සංගමයේ ලේකම් ආනන්ද පාලිත මහතා සඳහන් කළේය.