ජල බිල්පත් ගෙවීම තැපැල් කාර්යාල හරහා

සියලුම ජල බිල්පත් අද (01දා) සිට ලංකාවේ ඕනෑම තැපැල් කාර්යාලයකින් ගෙවීමට හැකි බව ජලසම්පාදන මණ්ඩලය සඳහන් කරයි.

ලංකාව පුරා පිහිටි තැපැල්  කාර්යාල 4610 තුළින්ම රුපියල් 05 ක කොමිස් මුදලක් ගෙවීම තුළින් බිල්පත් ගෙවීමේ හැකියාව ලැබෙන බවත් මේ හරහා ජල පාරිභෝගිකයන්ට රුපියල් 10 ක ඉතිරියක් සිදුවන බවද එම මණ්ඩලය සඳහන් කළේය.

ජල බිල්පත් ගෙවීමේදී සෑම ජල පාරිභෝගිකයෙකුම ජල බිල්පත් ගෙවන ස්ථානයට රුපියල් 15 ක කොමිස් මුදලක් ගෙවිය යුතුවේ.

මේ පිළිබඳව අවධානය යොමුකළ ජල සම්පාදන මණ්ඩලය රුපියල් 05 ක කොමිස් මුදලක් ලබාගැනීම යටතේ ජල බිල්පත් එකතුකිරීම සඳහාපසුගියදා තැපැල් දෙපාර්තමේන්තුව සමග විශේෂ ගිවිසුමක් අත්සන් කරනු ලැබීය. මෙම ගිවිසුමට අනුව ජල බිල්පත් එකතු කිරීම අද (01දා) සිට ක්‍රියාමත්මක වේ.