ජපානයට රැගෙනගිය දරුවා ශ්‍රී ලංකාවට එවයි
වයස අවුරුදු හතරක් වයසැති දරුවෙකු නැවත ශ්‍රී ලංකාවට පිටත් කර හරින ලෙස ජපානයේ ඔසාකා පවුල් අධිකරණය ඊයේ (19දා) එම දරුවාගේ මවට නියෝග කර තිබේ.
දරුවාගේ පියා ශ්‍රී ලංකාවේ ජීවත්වන අතර එම දරුවා පියාට ලබාදෙන ලෙස ඔසාකා අධිකරණය මවට නියෝග කර ඇත.
ළමා අපහරණය පිළිබඳ හේග් සම්මුතිය ප්‍රකාරව මෙම නියෝගය ලබාදී ඇති බව පෙන්වා දෙන ජපාන මාධ්‍ය වැඩිදුරටත් පැවැසුවේ එවැනි ආකාරයෙන් හේග් සම්මුතිය අනුව මෙවැනි තීන්දුවක් ජපානයේදී ලබාදුන්නේ ප්‍රථම වතාවට බවයි.
දෙමව්පියන් ජපන් ජාතිකයන් වන අතර පියා නීතිඥවරයෙකු බවද සඳහන් වෙයි.
ඔවන් 2013 වසරේ පෙබරවාරි මස සිට ශ්‍රී ලංකාවේ පදිංචි වී සිට ඇති අතර පසුගිය ජූනි මාසයේදී නැවතත් ජපානයට පැමිණ තිබෙන අතර මව පවසා ඇත්තේ තමන් හා දරුවා නැවතත් ශ්‍රී ලංකාවට නොපැමිණෙන බවයි.
කෙසේ වෙතත් දරාවා ශ්‍රී ලංකාවේ පාසල් ගොස් තිබෙන අතර පාසල් දිවිය අඛණ්ඩව කරගෙන යා හැකි වන පරිදිත්, ආරක්ෂාව පිළිබඳව සලකමිනුත් දරුවා ශ්‍රී ලංකාවට පිටත් කර හරින ලෙස මවට නියෝග කර තිබේ.
අවශ්‍යනම් මේ තීන්දුවට එරෙහිව අපෑලක් ගොනුකරීමට මවට හැකියාවක් පවතී.
popular news
ඔබේ අදහස් එවන්න.
ඔබේ අදහස් සිංහලෙන්, ඉංග්රීසියෙන් හෝ සිංහල ශබ්ද ඉංග්රීසි අකුරෙන් ලියා එවන්න.
