ජනපති හා ජාහෙඋ අතර සාකච්ඡාවක්

ජනාධිපති මහින්ද රාජපක්ෂ මහතා සහ ජාතික හෙළ උරුමයේ නියෝජිතයන් පිරිසක් අතර මේ වනවිට අරලියගහ මන්දිරයේදී විශේෂ සාකච්ඡාවක් පැවැත්වෙන බව ආරංචි මාර්ග පවසයි.

ජාතික හෙළ උරුමයේ නායක පූජ්‍ය ඕමල්පේ සෝභිත හිමි, පාර්ලිමේන්තු මන්ත්‍රී අතුරලියේ රතන හිමි ඇතුළුව පක්ෂයේ මහලේකම් අමාත්‍ය පාඨලී චම්පික රණවක, නියෝජ්‍ය මහලේකම් උදය ගම්මන්පිල, මාධ්‍ය ලේකම් නිශාන්ත ශ්‍රී වර්ණසිංහ යන මහත්වරුන් මෙම සාකච්ඡාවට සහභාගී වූ බව එම පක්ෂයේ ප්‍රකාශකයෙක් පැවසීය.

මෙම සාකච්ඡාව ජාතික හෙළ උරුමයට තීරණාත්මක එකක් විය හැකි බවද එම ප්‍රකාශකයා වැඩිදුරටත් පවසා සිටියේය.