ගොන්ගල කන්දේ ස්ථාපිත ඩොප්ලර් රේඩාර් පද්ධතිය දිරා ගිහින්

පුත්තලම සිට හම්බන්තොට දක්වා වූ ප්‍ර‘දේශයේ සිදුවන කාලගුණ වෙනස්කම් පිළිබඳව සොයා බැලීමට දෙනියාය ගොන්ගලකන්දේ  ස්ථාපිත කළ ඩොප්ලර් රේඩාර් පද්ධතිය නිසි ලෙස සවි නොකිරීම නිසා මේ වනවිට එය දිරාපත් වී තිබෙන බව වාර්තා වේ.
ඇමරිකානු ඩොලර් 1,681,017 ක මුදලක් ගෙවා 2011 වසරේදී ඇමරිකානු එක්සත් ජනපදයේ සමාගමකින් මෙය මිලදී ගෙන  තිබෙන අතර, එය තැන්පත් කිරීමට කුලුනක් සවි නොකිරීම නිසා රේඩාර් පද්ධතිය නිසි ලෙස ක්‍රියාත්මක කිරීමට කාලගුණ විද්‍යා දෙපාර්තමේන්තුවට නොහැකි වී ඇත.
 2011 වසරේ ඔක්තෝම්බර් මාසයේදී මෙරටට ගෙන්වා ගොන්ගලකන්දට ගෙන ගොස් දැමූ රේඩාර් යන්ත්‍රය මේ වනවිට අලුත්වැඩියා කිරීමට නොහැකි ආකාරයට අබලන් වී තිබෙන  අතර, ශ්‍රී ලංකා මුදලින් රුපියල් කෝටි 20කට අධික වටිනාකමකින් යුත් රේඩාර් පද්ධතිය එම ස්ථානයේ දිරාපත් වීමට ඉඩහැර තිබේ. මෙම කුලුන ඉදිකිරීම සඳහාත් රජය රුපියල් ලක්ෂ 65කට වැඩි මුදලක් වියදම් කර ඇත.