ගුරුවරයාට පහරදුන් සිසුවා අත්අඩංගුවට

ලබුදූව සිරිධම්ම විදුහලේ දොළොස්වැනි ශ්‍රේණියේ ඉගෙනුම ලබන පාසල් සිසුවෙකු විසින් අද (11දා) උදේ සිදුකළ පහරදීමෙන් තුවාල ලැබූ එම විදුහලේ ගුරුවරයෙකු කරාපිටිය රෝහලේ හදිසි ප්‍රතිකාර ඒකකයට ඇතුළු කළ බව අක්මීමන පොලීසිය පවසයි.

අද උදෑසන මෙම ගුරුවරයා විසින් සැකකාර සිසුවාගේ කොණ්ඩය කපාගෙන එන ලෙස සිසුවාට අවවාද කර තිබේ. ඊට ටික වේලාවකට පසු පාසල තුළදීම මෙම සිසුවා ගුරුවරයාට පහරදීමෙන් තුවාල ලබා ඇති බව මූලික පොලිස් පරීක්ෂණවලදී අනාවරණය වී ඇත.

අක්මීමන පොලීසිය සැකකාර පාසල් සිසුවා අත්අඩංගුවට ගෙන ඇති අතර, මේ පිළිබඳ වැඩිදුර පරීක්ෂණ පවත්වයි.

ගාල්ල  - රවිඳු දීයගහගේ