ගාල්ල සියලුම ප්‍රතිඵල රාත්‍රී 10ට පෙර

ගාල්ල දිස්ත්‍රික්කයේ කොට්ඨාස මට්ටමේ ප්‍රතිඵල රාත්‍රී 7.30 වනවිට නිකුත් කළ හැකි බවත් රාත්‍රී 10.00 පෙර ගාල්ලේ පළාත් පාලන ආයතන 19හි ම අවසන් ප්‍රතිඵල නිකුත් කළ හැකි බවත් තේරීම්භාර නිලධාරී එස්.ටී.කොඩිකාර මහතා පවසයි.

ගාල්ල දිස්ත්‍රික්කයේ ඡන්ද මධ්‍යස්ථාන 715ක සියයට 71 සිට සියයට 84දක්වා ප්‍රමාණයක් ඡන්දය ප්‍රකාශ කර ඇති බවත් ගාල්ල දිස්ත්‍රික්කයේ ඡන්ද ප්‍රකාශ කිරීම සියයට 77ක් බවත් ඔහු පැවැසීය. ගණන් කිරීමේ මධ්‍යස්ථාන 257ක දී සවස 4.30ට ගණන් කිරීම් ආරම්භ කර ඇත.