ගල්කිස්ස අධිකරණයට හෙරොයින් ගෙනා කාන්තාවක් අත්අඩංගුවට

ගල්කිස්ස අධිකරණ භූමියට හෙරොයින් ගෙන ආ කාන්තාවක් අත්අඩංගුවට ගත් බව පොලීසිය කියයි. අද (16දා) පෙරවරුවේදී මෙම අත්අඩංගුවට ගැනීම සිදුකර තිබේ.

සැකකාරිය සන්තකයේ තිබී හෙරොයින් ග්‍රෑම් 16ක්ද සොයාගෙන තිබේ. සැකකාරිය බේරුවල ප්‍රදේශයේ පදිංචි බවත් ඇය 25 හැවැරිදි වියේ පසුවන බවත් පොලීසිය පවසයි.

ඇය අධිකරණ භූමියට හෙරොයින් රැගෙන ආවේ කුමන කරුණක් සඳහාද යන්න හෙළිකර ගැනීමට පොලීසිය පරීක්ෂණ පවත්වයි.