කෝටි තුන ගැන මහේල කියයි

මහරගම පිළිකා රෝහලට පෙට් ස්කෑන් යන්ත්‍රයක් මිලදී ගැනීම සඳහා රුපියල් මිලියන 200ක මුදලක් එකතු කිරීමේදී ඒ සඳහා රුපියල් මිලියන 30ක මුදලක් තමාදුන් බවට පළවන වාර්තා සත්‍ය නොවන බව ශ්‍රී ලංකා කණ්ඩායමේ හිටපු නායක මහේල ජයවර්ධන සඳහන් කරයි. 

සිය ට්විටර් ගිණුමට ප්‍රකාශයක් කරන මහේල පවසන්නේ යම්කිසි පුද්ගලයෙකු රුපියල් මිලියන 30ක් ඒ වෙනුවෙන් පරිත්‍යාග කළේ නම් එය අගය කළ යුතු බවයි.පෙට් ස්කෑනරය ලබාගැනීම සඳහා කඩීජා පදනම මගින් ආරම්භ කළ වැඩසටහනට තමා සම්බන්ධ වූ බවද මහේල කියයි.

 පිළිකා රෝහලට පෙට් ස්කෑනරයක් ලබාගැනීම සඳහා ආරම්භ කළ වැඩසටහනට මහේල රුපියල් මිලියන 30ක් පරිත්‍යාග කළ බවට සමාජ මාධ්‍ය අතර ප්‍රවෘත්තියක් හුවමාරු වූ අතර ඒ පිළිබඳව අදහස් දක්වමින් මහේල මෙම ට්විටර් පණිවුඩය නිකුත් කර තිබේ.

එසේම පිළිකා රෝගීන්ට ආධාර එකතු කිරීම සඳහා ඔක්තෝබරයේ පාගමනක් සංවිධානය කිරීමටද මහේල සූදානමින් සිටියි.