කෝටි 1600ක මසුන් යුරෝපයට

කෝටි 1600ක මසුන් ලබන මාසයේ සිට යුරෝපයට යැවීමට කටයුතු කරන බවත් යුරෝපා මත්ස්‍ය තහනම ඉවත් කරගැනීමට හැකි වුණේ සාමූහිකව කටයුතු කළ නිසා යැයි ධීවර හා ජලජ සම්පත් සංවර්ධන අමාත්‍ය මහින්ද අමරවීර මහතා පැවසීය.

යුරෝපා මත්ස්‍ය තහනම පැනවීමට යම් යම් දේශපාලන හේතු තිබුණා. මේ ජාතික ආණ්ඩුව පවත්වාගෙන යාම නිසයි, අපට ඒවා ඉවත් කරගැනීමට හැකි වුණේ.සාමූහිකව කටයුතු කළ නිසාමත්ස්‍ය තහනම ඉවත් කර ගන්නට හැකි වුණා.

කෝටි 1600ක මසුන් ලබන මාසයේ සිට රට යන්න පටන් ගන්නවා.මේක ලැබෙන්නේ මට නොවෙයි රටටයි. ජී.එස්.පී. සහනය අපේ රටට ලබාගන්න හැකි වෙනවා.මේ සහනය ලබෙන්නේ ශ්‍රී ලංකා කාරයාටද? යූ.එන්.පී.කාරයටද? නෑ.මුළු රටක් ලෙසයි ලබෙන්නේ.

මේ වැඩපිළිවෙල ද?  කඩාකප්පල් කරන්න අවශ්‍ය. අපි ජිනීවා ගැන විදුලි පුටු ගැන කතා කළා. ජාත්‍යන්තර යුද අධිකරණ ගැන කතා කළා.ඒවා අපිට සමනය කරගන්න හැකියාව ලබුණේ,ජනාධිපතිතුමා, ජාතික ආන්ඩුව කෙරෙහි ජාත්‍යන්තරය ඇති කරගත් විශ්වාසය නිසයි. මේවා අරාජික කර  රට ආපස්සට ගෙනයන්නද හදන්නේ, කියා ප්‍රශ්න කළ යුතුයි යැයි ද අමත්‍ය මහින්ද අමරවීර මහතා පැවසුයේ පාර්ලිමේන්තුවේදී ය.