කොටහේනේදී හෙරොයින් සමග පුද්ගලයෙක් අත්අඩංගුවට

කොටහේන, කොලේජ වීදිය ප්‍රදේශයේදී ඊයේ (09දා) රාත්‍රි හෙරොයින් කිලෝවක් සමග සැකකරුවෙකු අත්අඩංගුවට ගත් බව පොලිස් මත්ද්‍රව්‍ය නාශක කාර්යාංශය සඳහන් කරයි.

සැකකරු වයස 33 හැවිරිදි අයෙකු වන අතර, ඔහු සන්තකයේ තිබී හෙරොයින් විකුණා ලබාගත් රුපියල් 60,000ක මුදලක් සහ හෙරොයින්වල බරකිරීම සඳහා යොදාගන්නා කුඩා විද්‍යුත් තරාදියක් අත්අඩංගුවට ගෙන තිබේ.

අත්අඩංගුවට ගත් සැකකරු අද (10දා) අලුත්කඩේ මහේස්ත්‍රාත් අධිකරණයට ඉදිරිපත් කිරීමට නියමිතය.

සිද්ධිය සම්බන්ධයෙන් පොලිස් මත්ද්‍රව්‍ය කාර්යාංශය වැඩිදුර විමර්ශන සිදුකරයි.