ශ්‍රී ලංකාවට කඩුලු හයක ජයක්

(UPDATE) සත්කාරක බංග්ලාදේශ කණ්ඩායම පරාජය කර මීර්පූර්හි අද (22දා) පැවැති තෙවැනි හා අවසන් එක්දින තරගයෙන් කඩුලු හයක ජයක් ලැබීමට ශ්‍රී ලංකා කණ්ඩායම දැන් සමත්විය. ඒ අනුව 3-0 තරගාවලි ජයක් ශ්‍රී ලංකාවට හිමිවිය.

ශ්‍රි ලංකා නායකයාගේ ඇරයුමෙන් පළමුව පන්දුවට පහරදුන් බංග්ලාදේශ කණ්ඩායම පන්දුවාර 50 අවසානයේ ලකුණු 240/8 රැස්කිරීමට සමත්විය. එයට පිළිතුරු ලෙස ශ්‍රී ලංකා කණ්ඩායම පන්දුවාර 47.3 වැනි පන්දුවේදී එම ඉලක්කය පසුකර යාමට සමත්විය. ඇන්ජලෝ මැතිව්ස් හයේ පහරක් එල්ලකර ලකුණු 246/4 රැස්කර ජයග්‍රහණය සම්පූර්ණ කළේය. 

-------------------------------------------------------------------------------------------------

බංග්ලාදේශ කණ්ඩායමට එරෙහිව දැන් පැවැත්වෙන තෙවැනි එක් දින තරගයේදී ශ්‍රී ලංකා ආරම්භක  පිතිකරු කුසල් පෙරේරා මීට සුළු මොහොතකට පෙර සිය මංගල එක්දින ශතකය වාර්තා කිරීමට සමත් විය.